Koi tum sy poochay kon hon main,
Tum keh daina kuch khas nahi,
Ik dost hy kacha pakka sa,
Ik jhoota sacha adha sacha sa,
Jazbaat ko dhanpy ik perda,
Bas ail behana acha sa,
Jeevan ka aisa sathi hai,
Jo door na ho ker paas nahi
Koi tum poochy kon hon main
Tum keh daina koi khas nahi !!!
4 Comments | 
Poetry | 
Permalink
Posted by curioushard
Kisi se Baat karna , Bolna acha nahi lagta
Tujhe Dekha hai jab se , Doosra acha nahi lagta
Teri ankhon main jab se maine apna aks Dekha Hai
mere chahre ko koi aina acha nahi lagta…
Tere Baare main Din Bhar sochti Rehti Hoon main lekin
Tere Baare main sab se Poochna acha nahi lagta
Yahan Mohabbat karne wale Barbaad Rehte hain…
yeh Darya Hai issey kacha Gharra acha nahi lagta
MAIN ab chahat ki us Manzil per aan Punhcha Hoon,
Teri Jaanib kisi ka Dekhna acha nahi lagta…
Leave a Comment » | 
Poetry | 
Permalink
Posted by curioushard
Dil ki wehshat tamaam kab hogi,
zindagi teri shaam kab hogi,
kab main us say kahon ga dil ki baat,
mujh say wo hum kalaam kab hogi,
wo jo ik umar hai tujhe hasil,
wo bhala mere naam kab hogi,
zindagi tu mere liye akhir, qabil e ehtraam kab hogi,
kab main aya karon ga yaad tujhe,
neend tujhe pe haraam kab hogi..?
2 Comments | 
Poetry | 
Permalink
Posted by curioushard
Na tujhe chorr sakte hain tere ho bhi nahi sakte
Yeh kaisi bebasi hai aaj hum ro bhi nahi sakte
Yeh kaisa dard hai pal pal hamain tarpaye rakhta hai
Tumhari yaad aati hai to phir sou bhi nahi sakte
Chhupa sakte hain aur na dikha sakte hain logon ko
Kuch aise daagh hain Dil per jo hum dho bhi nahi sakte
Kaha to tha chorr denge yeh nagar phir ruk gaye lekin
Tumhain paa to nahi sakte magar kho bhi nahi sakte
Hamara ek hona bhi nahi mumkin raha ab tooooo
Jeeyen kaise ke tum se door reh bhi nahi sakte
Leave a Comment » | Poetry | Permalink
Posted by curioushard
Aik baat kahoon gar suntey ho?
Tum mujh ko achey lagtey ho
Kuch chanchal se, kuch chup chup se
Kuch pagal pagal lagtey ho
Hain chahney waaley aur buhat
par tum mein hai aik baat buhat!
Tum apney apney lagtey ho
Aik baat kahoon gar suntey ho?
Tum mujh ko achey lagtey ho
Yeh baat baat pe kho jaana
Kuch kehtey kehtey ruk jaana
Yeh kiss uljhan mein rehte ho?
Kia baat hai hum se keh daalo
Aik baat kahoon gar suntey ho?
Tum mujh ko achey lagtey ho
Leave a Comment » | Poetry | Permalink
Posted by curioushard
Kuch door hamare saath chalo
Hum dil ki kahani kehdein ge
Samjhe na tum jisse aankhon se
Woh baat zubaani kehdein ge Jo pyar karein ge jaanein ge
Har baat hamari maanein ge
Jo jaley na hon khudh ulfat mein
Woh aag ko paani kehdein ge
Jab pyaas jawan ho jaye gi
Ehsaas ki manzil paye gi
Khamosh rahein ge aur tumhein
Hum apni kahani kehdein ge
Is dil mein zara tum baitho to
Kuch haal hamara poocho to
Hum sada dil hain “Ashk” mager
Har baat poorani kehdein ge
Leave a Comment » | Poetry | Permalink
Posted by curioushard
falak pe chaand ke ujaley bhi sog kerte hain…
jo tu nahin to ujaley bhi sog kerte hain…
tumhare haath ki choori bhi been kerti hai…
hamare hont ke taale bhi sog kerte hain…
nagar nagar mein woh bikhrey hain zulm ke manzar…
hamari rooh ke chhaley bhi sog kerte hain…
usey kaho ke sitam mein woh kuchh kami kerde…
ke zulm torne wale bhi sog kerte hain…
tum apne dukh pe akele nahin ho afsurda…
tumhare chahne wale bhi sog kerte hain…
Leave a Comment » | Poetry | Permalink
Posted by curioushard
Aansuon aankh ki dehleez pe aaya na karo….
ghar ke haalaat zamaane ko bataya na karo…
log muthhi meiN namak le ke phira kerte haiN….
zakhm tum apne kisi ko bhi dikhaya na karo…
saaNp KHushbu ke ahaate meiN basa kerte haiN….
phool ke peRoN ko aangan meiN lagaya na karo…
haathh aaye usi lumhe ko GHaneemat jano….
apni palkoN pe koi KHwab sajaaya na karo…
yaas ki tapti hui ret meiN jalne do mujhe….
aas ke badlo sir pe mere aaya na karo…
aaj ke daur ka paigham yahi hai taalib…
koi gir jaaye to bhoole se uthhaya na karo…
Leave a Comment » | Poetry | Permalink
Posted by curioushard
meri zindagi ka hasil
kaii waswasey, kaii rat jagey
kaii lughzishein, kaii khwahishein
meri zaat misle mazar hey
mujhey jeeney ki abb
Du’aa na dou
Ager ho sakey tou Khuda sey tum
Meri maghfirat ki du’aa kero
Ye jo samney hey terey ro baroo
mera aks hey, meri rooh hey
aik naam hey koi benishaaan
faqat raakh ka koi dher hey
mujhey aag sey na darao tum
ager ho sakey tou, meri lou bano
mein tou bujha howa diya hoon abb
Mujhey aur tum hawa na dou
meri raah dekho na abb kabhi
meri chaah dil sey nikal dou
kub jana tha kissi morr perr
yuun zindagi rooth jaye gii
kub chaha tha meri aas ko
aisey nazar kisi kii lug jaye gii
mein tou khaak hoon kafe paa kii
apney daman sey abb mujhey jhaarr dou
Leave a Comment » | Poetry | Permalink
Posted by curioushard
Palkon pe aanso’on ko sajaya na jaa saka
us ko bhi Dil ka haal bataya na jaa saka
zakhmon se choor choor tha yeh Dil mera
ek zakham bhi us ko dikhaya na jaa saka
jab teri yaad aayi to koshish ke ba wajood
aankhon main aanso’on ko chupaya na jaa saka
kuch log zindagi main aise bhi aaye hain
jin ko kisi bhi lamhe bhulaya na jaa saka
bas is khayaal se kahin us ko dukh na ho
hum se to haal-e-ghum bhi sunaya na jaa saka
woh muskuraha tha mere ru-ba-ru magar
chehre ka rang us se chupaya na jaa saka
tanhaiyon ki aag main hum jal gaye
magar faasla ana ka mitaya na jaa saka
Leave a Comment » | Poetry | Permalink
Posted by curioushard
