Suna hy Log Usy Aankh bher k Diakhty hain !!!

Suna hy log usy aankh ber k diakhty hain
so us k shaher main kuchh din theher k daikhty hain

Suna hy bolay to baton sy phool jhertay hain
ye baat hy to chalo baat ker k daikhty hain

Suna hy din ko usay titliyan setati hain
Suna hy raat ko jugnoo theher k daikhty hain

Suna hy raat usko chaand takta rehta hy
Sitaary baam-e-falak sy uter k daikhty hain

Suna hy rabt hy us ko kherab haalon sy
tu apnay aap ko berbaad ker k daikhty hain

Suna hy us k badan ki terash aisi hy
k phool apni qebaaein ketar k daikhty hain

Suna hy us k shabistaan se muttasil hy bahisht
makeen udher k b jalvy idher k diakhty hain

Kissay naseeb k be-parahan ussay dekhay
Kabhi kabhi dar-o-deewar ghar k dekhtay hain

Suna hai us ko b hai sher-o-shairy se shaghaf
So ham b ma’ujzay apnay hunar k dekhtay hain

Zikr-e-Sheb-e-Firaq sy Wahshat usy b thi!

Zikr-e-shab-e-fraq sy wahshat usy b thi
mairi terha kisi sy muhabbat usy b thi

Mujh ko b shouq tha ney chehron ki deed ka
rasta bedalny ki aadat sy b thi

Uss raat dair tak wo reha mehv-e-giftagu
masroof main b kam tha, fraghat usy b thi

mujh sy bicher k shehr main gul mil gia wo shakhs
halank shehr bher sy adavat usy b thi

wo mujh sy barh k zabt ka aadi ho gia
werna her aik sans qeyamat usy b thi

Sunta tha wo bhi sab sy purani kehaniyan
shaed refaqton ki zaroorat usy b thi

Tenha hua safer main to mujh per khula ye baid
saye sy pyaar, dhoop sy nafrat usy b thi

tum bhi khafa ho loog bhi burhum hein dosto

tum bhi khafa ho loog bhi burhum hein dosto
ab ho chala yaqin keh bouray hum hein dosto

kis ko hamare hal se nisbut hai kya karein
aankhein to dushmanooN ki bhi purnum hein dosto

apne siwa humaray na hoonay ka ghum kise
apni talaash mein to humein hum hein dosto

kuch aaj shaam hi se hai dil bhi bujha bujha
kuch shahr ke chiragh bhi mudhum hein dosto

iss shahr-e aarjo se bhi baahar nikal chalo
ab dil ki raunaqein bhi koi dum hein dosto

sub kuch sahi Faraz per itna zaroor hai
dunya mein aise loog bauhut kum hein dosto

Koi tum sy poochay kon hon main!

Koi tum sy poochay kon hon main,

Tum keh daina kuch khas nahi,

Ik dost hy kacha pakka sa,

Ik jhoota sacha adha sacha sa,

Jazbaat ko dhanpy ik perda,

Bas ail behana acha sa,

Jeevan ka aisa sathi hai,

Jo door na ho ker paas nahi

Koi tum poochy kon hon main

Tum keh daina koi khas nahi !!!

Kisi se Baat karna

Kisi se Baat karna , Bolna acha nahi lagta
Tujhe Dekha hai jab se , Doosra acha nahi lagta

Teri ankhon main jab se maine apna aks Dekha Hai
mere chahre ko koi aina acha nahi lagta…

Tere Baare main Din Bhar sochti Rehti Hoon main lekin
Tere Baare main sab se Poochna acha nahi lagta

Yahan Mohabbat karne wale Barbaad Rehte hain…
yeh Darya Hai issey kacha Gharra acha nahi lagta

MAIN ab chahat ki us Manzil per aan Punhcha Hoon,
Teri Jaanib kisi ka Dekhna acha nahi lagta…

Dil ki wehshat

Dil ki wehshat tamaam kab hogi,
zindagi teri shaam kab hogi,
kab main us say kahon ga dil ki baat,
mujh say wo hum kalaam kab hogi,
wo jo ik umar hai tujhe hasil,
wo bhala mere naam kab hogi,
zindagi tu mere liye akhir, qabil e ehtraam kab hogi,
kab main aya karon ga yaad tujhe,
neend tujhe pe haraam kab hogi..?

Nahi Sakty

Na tujhe chorr sakte hain tere ho bhi nahi sakte
Yeh kaisi bebasi hai aaj hum ro bhi nahi sakte

Yeh kaisa dard hai pal pal hamain tarpaye rakhta hai
Tumhari yaad aati hai to phir sou bhi nahi sakte

Chhupa sakte hain aur na dikha sakte hain logon ko
Kuch aise daagh hain Dil per jo hum dho bhi nahi sakte

Kaha to tha chorr denge yeh nagar phir ruk gaye lekin
Tumhain paa to nahi sakte magar kho bhi nahi sakte

Hamara ek hona bhi nahi mumkin raha ab tooooo
Jeeyen kaise ke tum se door reh bhi nahi sakte

Aik baat kahoon gar suntey ho?

Aik baat kahoon gar suntey ho?
Tum mujh ko achey lagtey ho

Kuch chanchal se, kuch chup chup se
Kuch pagal pagal lagtey ho

Hain chahney waaley aur buhat
par tum mein hai aik baat buhat!
Tum apney apney lagtey ho

Aik baat kahoon gar suntey ho?
Tum mujh ko achey lagtey ho

Yeh baat baat pe kho jaana
Kuch kehtey kehtey ruk jaana

Yeh kiss uljhan mein rehte ho?
Kia baat hai hum se keh daalo

Aik baat kahoon gar suntey ho?
Tum mujh ko achey lagtey ho

Kuch door hamare saath chalo

Kuch door hamare saath chalo
Hum dil ki kahani kehdein ge
Samjhe na tum jisse aankhon se
Woh baat zubaani kehdein ge Jo pyar karein ge jaanein ge
Har baat hamari maanein ge
Jo jaley na hon khudh ulfat mein
Woh aag ko paani kehdein ge

Jab pyaas jawan ho jaye gi
Ehsaas ki manzil paye gi
Khamosh rahein ge aur tumhein
Hum apni kahani kehdein ge

Is dil mein zara tum baitho to
Kuch haal hamara poocho to
Hum sada dil hain “Ashk” mager
Har baat poorani kehdein ge

Sog kerte hain..

falak pe chaand ke ujaley bhi sog kerte hain…
jo tu nahin to ujaley bhi sog kerte hain…

tumhare haath ki choori bhi been kerti hai…
hamare hont ke taale bhi sog kerte hain…

nagar nagar mein woh bikhrey hain zulm ke manzar…
hamari rooh ke chhaley bhi sog kerte hain…

usey kaho ke sitam mein woh kuchh kami kerde…
ke zulm torne wale bhi sog kerte hain…

tum apne dukh pe akele nahin ho afsurda…
tumhare chahne wale bhi sog kerte hain…